Magapaidalum sa renovation ang pila ka mga mayor nga sports facilities sa pungsod.
Nakasugtanan na sang Philippine Sports Commission (PSC) kag Department of Public Works and Highways (DPWH) para sa pag-upgrade sang PhilSports Complex sa Pasig City kag Rizal Memorial Sports Complex sa syudad sang Manila.
Ginpahayag ni PSC chairman Richard Bachmann nga ang katuyuan sang nasambit nga rehabilitasyon ang para man sa kaayuhan sang mga atleta.
Isa ini ka dako nga tikang agud mapabilin nga luwas kag matawhay ang mga atleta sa tagsa ka mag-ensayo sa nasambit nga mga pasilidad.
Natalana nga patindugon ang 12 ka panalgan nga building sa tubang sang Ninoy Aquino Stadium sa diin makita diri ang moderno nga bowling facility kag ang pagkay-o sang Administrative building kag Philippine Sports Museum.
