Tom Holland kag Zendaya ‘engaged’ na

Ginpamatud-an sang kampo sang actor nga si Tom Holland nga ‘engaged’ na sila sang actress-singer nga si Zendaya.

Ang nasambit nga huring-huring ang mas naglapta matapos nga makita nga nagasuksok sang  engagement ring ang actress sadtong ini ang nagtambong sa Golden Globe Award.

Suno sa kampo sang aktor, ang marriage proposal ginhimo sang Disyembre sa balay sang aktres.

Wala na sang iban pa nga detalye nga ginhatag kon paano kag ang insakto nga petsa sang ila nga engagement.

Nagsugod ang ila nga relasyon sadtong 2021 matapos nga mag-upod sa pelikula nga “Spider-Man: Homecoming”.