ROXAS CITY – Ginpasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang magkarelasyon nga naaresto sa drug buy bust operation sa Barangay Tiza, Roxas City.
Nagapabilin sa sulod sang karsel sang Roxas City PNP sanday Rowena Billanes 45-anyos sang Barangay Daga, Panay kag karelasyon nga si Princess Arenajo 24-anyos sang banwa sang Ivisan.
Matandaan nga ginpahayag ni Arenajo nga napilitan lamang ini nga magduso sang droga bangud nadulaan ini sang trabaho matapos ginpasarado ang restaurant nga iya ginatrabahuan sa Isla saang Boracay.
Suno diri nga sa iya nga pagpauli sa Roxas City nakilala niya si Billanes tobtob nga nangin malapit sila kag nakaangkon sang relasyon.
Nahibaluan nga lima ka sachet sang droga ang narekober sa ila nga duha sang mga pulis, P500 nga marked money kag drug paraphernalia
Tomboy kag karelasyon nga naaresto sa drug buy bust ops. ginpasakaan na sang panumbungon
-- ADVERTISEMENT --
