Nag-file ang National Bureau of Investigation (NBI) sang 16 ka criminal complaints batuk kay Yang Jianxin ang utod ni anay economic adviser Michael Yang.
Suno sa Inter-Agency Council Against Trafficking, nagapangatubang si Yan Jianxin ukon kilala bilang si Antonio LIm y Maestrado, Antonio M. Lim, Tony Lim, Tony Yang sang mga kaso nga falsification, perjury kag paglapas sa Commonwealth Act 142 ukon Anti-Alisa Law.
Ginpasaka ang reklamo sa Office of the City Prosecutor sang Cagayan de Oro sadtong Oktubre 17, 2024.
Matandaan nga sadtong Setyembre 19, 2024 sang maaresto sang Bureau of Immigration si Yan Jianxin kag ini ang ginpaatubang sa senado kag House of Representatives sa pag-imbestigar sa human trafficking kag iligal nga Philippine Offshore Gaming Operators (POGO).
Dugang pa sang IACAT nga ang 16 nga reklamo ang magapaidalom sa preliminary investigation kag ginaluman nila nga mas madamo nga reklamo ang mapasaka sa mga masunod nga araw.
