-- ADVERTISEMENT --
MAAYON, CAPIZ – Arestado ang Top 1 Most Wanted Person sa banwa sang Dao matapos ginserbihan sang warrant of arrest sang mga kapulisan sa Barangay Calasagin, Palawan.
Ginkilala ang nadakpan kay Reynaldo Tanong, 57 anyos sang Barangay Ilas Norte, Dao, Capiz.
Mahibaluan nga si Tanong ang akusado sa tatlo ka mga kaso nga ginalakipan sang Murder, Frustrated Murder kag Attempted Murder nga gin-isyu kag ginpirmahan nanday Judge Kristine Vinculado kag Judge Esperanza Isabel Poco-Deslate.
Ginrekomendar sang korte ang P200, 000 nga piyansa para sa temporaryo nga kahilwayan sang akusado sa kaso sini nga Frustrated Murder, P120, 000 sa kaso nga Attempted Murder samtang wala naman sang piyansa ang kaso sini nga Murder.
