ROXAS CITY – Arestado ang ginakabig Top 1 most wanted person sa Valenzuela City matapos ginserbihan sang mandamiento de aresto sang gintingob nga pwersa sang Station Intelligence Section (SIS), Valenzuela City PNP, kag Maayon PNP kaina sang aga alas-11 sa Poblacion Tabuc, Maayon, Capiz.
Ginkilala ang naaresto kay Justine Deseo Asigan, alyas “Arnel”, 26-anyos, kag residente sang East Villaflores sa nasambit nga banwa.
Kaso nga 2 counts of Statutory Rape ang ginapangatubang ni Asigan.
Ang warrant of arrest ang ginpermahan kag ginpapanaog ni Hon. Judge Mateo B. Altarejos, presiding judge Family court, branch 16, Valenzuela City napetsahan Hulyo 29, 2022.
Wala sang ginrekomendar nga pyansa ang korte para sa temporaryo nga kahilwayan sini.
Sa karon, temporaryo nga nakahunong sa karsel sa Roxas Component City Police Station (RCCPS) si Asigan.
