-- ADVERTISEMENT --
Dakop ang ginakabig “Top 2 Most Wanted Person” matapos ginserbihan sang warrant of arrest sang katapo sang Pontevedra Municipal Police Station kaupod ang 1st Provincial Mobile Force Company kag Maayon MPS, sa Sitio Guisi, Barangay Cabungahan, Maayon, Capiz.
Ginkilala ang nadakpan kay alyas “Jay”, 25 anyos, kag residente sang nasambit nga lugar.
Magapangatubang sa kaso nga Three Counts of Statutory Rape ang akusado kag wala sang piyansa nga ginrekomendar ang korte para sa iya temporaryo nga kahilwayan.
Sa karon, yara sa kustodiya sang Pontevedra MPS ang akusado kag natalana nga iga turn-over sa court of origin para sa nagakaigo nga disposisyon.
