Top 2 Most Wanted Person sa banwa sang Cuartero, boluntaryo nga nagsurender sa mga kapulisan

Boluntaryo nga nagsurender sa Cuartero Municipal Police Station ang ginakabig Top 2 Most Wanted Person Municipal level nga nagapangatubang sang kaso nga Acts of Lasciviousness sa idalom sang Republic Act No. 7610.

Ang suspetsado amo si alyas “Nono,” 46-anyos.

Sa interview sang Bombo Radyo kay Police Captain Jesse Lepaña, Officer in Charge sang Cuartero Municipal Police Station, iya ginpahayag nga ang akusado ang may warrant of arrest nga gin-isyu sang Regional Trial Court, Branch 14.

Suno kay Lepaña, ginrekomendaran sang korte ang piyansa nga ₱180,000 sa kada count sang kaso.

Sa subong, yara na ni sa kustudiya sang Cuartero Municipal Police Station para sa nagaka-igo nga disposisyon.