Magapangatubang sa kaso nga robbery ang ginakabig top 3 most wanted person nga nadakpan sa Barangay Población Ilaya, Panay Capiz.
Ang nadakpan amo si alyas “Mel” 47-anyos kag resident sang Sitio Cambuyayao, Barangay, Pawa, Panay, Capiz.
Sa interview sang Bombo Radyo kay Police Staff Sargeant Vicente Baleriado, imbestigador sang Panay Municipal Police Station, iya ginpahayag nga may daan na nga kaso sang pagpangawat.
Nahibaluan nga ang arrest warrant nag gin-isyu kag ginpirmahan ni Judge Hannibal C. Patricio, MCTC, 6th Judicial Region, Panay-Pontevedra, Capiz kag napetsahan Marso 17, 2026.
Naglab-ot naman sa P48,000.00 ang ginrekomendar nga piyansa sang korte para sa temporary sini nga kahilwayan.
Nagpanugyan naman ang natungdan sa mga pumuluyo nga mangin aligmat kag indi gid pagbayaan nga nakabukas ang panimalay agud malikawan ang pila ka mga insidente sang pagpangawat.
