Arestado sang mga kapulisan ang isa ka wanted person matapos ginserbihan sang Warrant of Arrest sa Barangay Poblacion, Jamindan, Capiz.
Ang arestado amo si alyas “Dodong” kag residente sang Barangay Agambulong, Jamindan, Capiz.
Sa interview sang Bombo Radyo Police Captain Jaypee Silvestre, Officer-in-charge sang Jamindan Municipal Policew Station, iya ginpahayag nga madugay na nga may kaso nga frustrated murder ang amo nga arestado.
Nahibaluan nga gin-isyu kag ginpirmahan ni Hon. Judith D. Orendain-Tonogbanua, Presiding Judge sang RTC Branch 20 sa Mambusao, Capiz sang Abril 21, 2026.
Sa subong, nakaguwa na ang amo nga arestado matapos ini nga makapiyansa.
Nagpanugyan man ang natungdan sa mga pumuluyo nga gilayon nga magreport sa ila nga talatapan kon may yara sang makaduluda nga buluhaton agud nga maaksyunan gilayon.
