-- ADVERTISEMENT --
PONTEVEDRA, CAPIZ -Arestado ang Top 3 most wanted person sa banwa sang Banate, Iloilo diri sa Pontevedra, Capiz.
Pinaagi sa gintingub nga pwersa sang Banate kag Pontevedra PNP, nadakpan sa Barangay Tacas, Pontevedra, Capiz si Regie Desim 25-anyos, construction worker kag residente sang Barangay de la Paz, Banate, Iloilo.
Gin-isyu kag ginlagdaan ni Judge Jose Mauricio Gomez sang RTC Branch 66, Barotac Viejo ang mandamiento de aresto sang akusado sa kaso nga rape by sexual assault sang Septiembre 9, 2019.
Nagrekomendar ang korte sang P120,000 nga pyansa para sa temporaryo nga kahilwayan ni Desim.
Nakahunong na karon sa karsel sang Banate Municipal Police Station ang akusado.
-- ADVERTISEMENT --
