Dakop ang Top 5 Most Wanted Person sa Regional Level, matapos ginserbehan sang warrant of arrest sang mga kapulisan sa banwa sang Mambusao.
Ang wala na ginhingadlan nga persona ang nagapangatubang sa kaso nga two (2) counts of Statutory Rape kag wala naman sang may ginrekomendar nga piyansa ang korte para sa temporaryo sini nga kahilwayan.
Nagapangatubang pagid ang amo nga akusado sa kaso nga two (2) counts of Acts of Lasciviousness under Revised Penal Code Art. 336 kun sa diin ginrekomendar sang korte ang piyansa nga kapin P200,000 para sa temporaryo sini nga kahilwayan.
Samtang, ang warrant of arrest ang ginpapanaog kag ginpirmahan ni Presiding Judge Rommel Lacson Leonor, sang Regional Trial Court Branch 21, Mambusao, Capiz nga napetsahan sadtong Hulyo 22, 2024.
Sa karon yara na sa kustodiya sang Mambusao PNP ang akusado para sa nagakaigo nga disposisyon.
