Dakop ang Top 7 Most Wanted Person sa Regional Level matapos ginserbihan sang warrant of arrest sa Mini Park, Brgy. Fort Bonifacio, Taguig City.
Ginkilala ang akusado kay alyas Joe, 40-anyos nga residente sang Brgy. Tawog, Sigma, Capiz.
Ang nasambitan nga persona ang nagapangatubang sa kaso nga Five (5) counts of Qualified Rape kag wala naman sang may ginrekomendar nga piyansa ang korte para sa temporaryo sini nga kahilwayan.
Samtang, ang warrant of arrest ang ginpapanaog kag ginpirmahan ni Presiding Judge Rommel Lacson Leonor, sang Regional Trial Court Branch 21, Mambusao, Capiz nga napetsahan sadtong Marso 6, 2023.
Sa karon temporaryo ini nga ginkustodiya ang akusado sa Makati PNP kag natalana nga iga-turn over sa court of origin para sa nagakaigo nga disposisyon.
