Top 8 most wanted person sa banwa sang Cuartero naaresto sa Numancia, Aklan

CUARTERO, CAPIZ – Arestado ang Top 8 most wanted person sa banwa sang Cuartero nga nagapangatubang sang kaso nga murder sa Barangay Camansi Norte, Numancia, Aklan.

Nakahunong na karon sa karsel sang Cuartero Municipal Police Station si Henry Leagogo sang Barangay Malagab-I, Cuartero, Capiz matapos nadakpan sang gintingub nga pwersa sag Cuartero kag Numancia Municipal Police Station kag Provincial Intelligence Unit.

Gin-isyu kag ginlagdaan ni Judge Christine Tianco Vinculado sang Branch 6 6^th Judicial Region, Roxas City ang mandamiento de aresto sang akusado sa diin wala sang pyansa nga ginrekomendar para sa iya temporaryo nga kahilwayan.