Top 8 most wanted person sa Cuartero, arestado sa Janiuay, Iloilo

Arestado sa Barangay Quipot, Janiuay, Iloilo ang Top 8 most wanted person sa banwa sang Cuartero nga nagapangatubang sang kaso nga rape.

Nakahunong na sa karsel sang Cuartero Municipal Police Station si Edgar Lebris 49-anyos sang Barangay Mainit, Cuartero, Capiz.

Gin-isyu kag ginlagdaan ni Judge Faustino Valenzuela Roxas Jr., presiding judge sang Branch 14, 6^th judicial region, Roxas City ang warrant of arrest ni Lebris nga napetsahan Abril 8, 2021.

Wala sang ginrekomendar nga pyansa para sa temporaryo nga kahilwayan sang akusado.