Top 9 Most Wanted Person sa Provincial Level, arestado sa Brgy. VIII, Roxas City

ROXAS CITY – Arestado ang isa ka lalaki nga ginakabig Top 9 Most Wanted Person sa Provincial Level kag may kaso nga Robbery sa Roxas Avenue, Barangay VIII, Roxas City.

Ginkilala ang nadakpan kay Junjun Rufino alyas “Bakuto”, 19-anyos kag residente sang Bangkiling, Barangay Tiza, Roxas City.

Mahibaluan ang warrant of arrest, ang gin-isyu kag ginpirmahan ni Hon. Kristine B. Tiangco-Vinculado, Presiding Judge, RTC, 6th Judicial Region, Branch 16, Roxas City napetsahan Abril 1, 2024.

Yara naman sa P72,000.00 ang ginpapanaog nga piyansa sang korte kay alyas “Bakuto” para sa temporaryo sini nga kahilwayan.

Sa karun yara na ini sa kustodiya sang Roxas City Police Station kag natalana nga i-turn over sa court of origin.