Nagpakita sang mabaskog nga determinasyon ang Toronto Raptors matapos nila mapierdi ang Cleveland Cavaliers sa score nga 112-110 sa overtime sa Game 6 sang ila first-round series sa 2026 NBA Playoffs.
Bangud sini nga kadalag-an, napwersa ang isa ka do-or-die nga Game 7 nga pagadulaan sa Cleveland.
Ginpangunahan ni RJ Barrett ang Raptors matapos niya matira ang game-winning three-pointer may nabilin nga 1.2 segundo sa overtime. Daku man ang bulig ni Scottie Barnes nga naghatag sang 25 points kag 14 assists, samtang nagdugang man si Ja’Kobe Walter sang 24 puntos.
Sa pihak nga bahin, nanguna si Evan Mobley para sa Cavaliers nga may 26 points kag 14 rebounds, samtang nag-ambag man sanday Donovan Mitchell kag James Harden sang importante nga puntos.
Bisan nakabalik ang Cavaliers gikan sa depisit sa ikaapat nga quarter para madala ang hampang sa overtime, napirdi gihapon sila bangud sa clutch nga tira sang Raptors sa katapusan sang duwa.
Ang Game 7 pagahimuon sa Cleveland, kun sa diin didto madeterminar kon sin-o ang makasulod sa masunod nga round sang playoffs
