Nakabawi sa serye ang Toronto Raptors matapos nila mapierde ang Cleveland Cavaliers, 126-104, sa Game 3 sang ila first-round matchup sa National Basketball Association playoffs.
Ginpangunahan nina Scottie Barnes kag RJ Barrett ang Raptors matapos pareho sila makaiskor sang tig-33 points, nga nagpauntat sang ila deficit kag nagpabuhin sang abanse sang Cavaliers sa serye sa 2-1. Nagdugang man si Barnes sang 11 assists, samtang ang rookie nga si Collin Murray-Boyles nag-ambag sang 22 points.
Nagpakita sang kusog nga depensa kag opensa ang Toronto sa fourth quarter kun sa diin nalampasan nila ang Cleveland, 43-23, bangod sa sunod-sunod nga three-point shots. Dako man ang bulig ni Jamison Battle nga nagtala sang 14 points sa katapusan nga quarter.
Sa sini nga kadalag-an, natapos sang Raptors ang ila madugay nga sunod-sunod nga kapierdehan kontra sa Cavaliers sa playoffs. Bisan pa sini, nagapanguna gihapon ang Cleveland sa serye, 2-1, kag pagahimuon ang Game 4 sa Toronto.
