Nagpasalamat si Police Regional Office 11 Regional Director BGen Nicolas Torre III sa tanan nga mga miyembro sang Philippine National Police nga nagbulig agud dalayon ang pagdakop kay Kingdom of Jesus Christ Pastor Apollo C. Quiboloy.
Suno kay Torre, dako ang nangin sakripisyo sang mga kapulisan agud dalayon nga madakop ang pugante nga pastor, ilabi na nga naglab-ot sa malawig nga komprontasyon ang katapusan nga operasyon.
Pagtiaw pa nga ginsiling sini sa mga kapulisan nga sabat na niya ang lechon kag banda matapos ang madinalag-on nga operasyon kay Quiboloy.
Mahibaluan tatlo ka adlaw matapos sini, ginsulod si Gen. Torre bilang PNP Davao Regional Director kag ginatal-usan si Brigadier General Aligre L. Martinez.
Matandaan una na nga gintinguhaan sang pulisya nga iserbe ang warrant kay Quiboloy sadtong Hunyo 10, 2023 apang wala ini nangin madinalag-on matapos pamalabagan sang mga miyembro ang KOJC kag naglab-ot pa sa pisikalan.
