Total overhaul ang kinahanglan sa NBP kun luyag sang pagbag-o – solon

ROXAS CITY – Nagpanindugan sa karon si Capiz 2nd District Congressman kag House Deputy Speaker Fredinil Castro nga indi lamang duha ukon tatlo ka indibidwal ang kinahanglan nga masipa sa National Bilibid Prison (NBP) kun luyag sang gobyerno nga dalayon nga matapna ang iligal nga droga sa sulod sang bilangguan.

Nagapati si Congressman Castro nga kinahanglan ang complete overhaul gikan sa pinakamataas nga posisyon sa nasambit nga talatapan kag bayluhan ang sala nga sistema.

Apang kun magpabilin sa pwesto ang mga opisyal sang NBP, magapadayun sa gihapon ang sala nga sistema kag wala sang pagbag-o nga matabo.

Samtang importante nga ang tawo nga ipahamtang sa pwesto ang maisog kag dedikado sa trabaho kag wala nahadluk nga ipatuman ang layi.