Trabahador sang 54-anyos nga COVID-19 patient nagpositibo sa Rapid Test

ROXAS CITY – Nagpositibo sa rapid test ang isa ka trabahador sang 54-anyos nga COVID-19 patient nga may yara sang baligyaan sa Burgos Talipapa nga residente sang Barangay Cagay, Roxas City.

Bangud diri, nagapaidalom na sa 14 day quarantine ang amo nga trabahador sa Hortus Botanicus sa Barangay Milibili sining siyudad.

Magluwas diri, ginpaidalom man ini sa Real-Time Polymerase Chain Reaction ukon RT-PCR Test.

Mahibaluan nga ang nasambit nga trabahador ang residente sang Barangay Baybay sining siyudad.

Samtang, nakapaidalom naman sa strict home quarantine ang iya nga pamilya apisar nga wala man ini naka-close contact sa amo nga COVID-19 patient.

Sa karon, ginahulat na lamang ang resulta sang iya nga swab test.