Nagaguha nga ang mga trabaho sa Armed Forces ang may pinakamataas nga adlawan nga sahod sa Pilipinas sang Oktubre 2024.
Ini ang base sa pinakabag-o nga resulta sang Labor Force Survey nga ginpaguwa sang Philippine Statistics Authority (PSA).
Sa Armed Forces occupations, ang average daily wage ang yara na sa P1,301, nagtaas ini halin sa P1,173 kada adlaw sang Oktubre 2023. Kalakip sa mga trabaho nga nagasahod sang nasambit nga balor ang yara sa tanan nga miyembro sang Armed forces maluwas sa civil defense kasubong sang police kag customs inspectors.
Nagapangaduwa ang mga professional, partikular na ang mga sumasahod sang P1,168 kada adlaw, gikan sa P1,135 per day year-on-year nga sahod. Kalakip diri ang mga yara sa fields of sciences, social sciences, legal and social services, art kag iban pa.
Ikatatlo sa top paying jobs ang managers nga nagasahod sang P1,109 kada adlaw, apang naganubo ini gikan sa P1,254 nga adlawan nga sahod sang Oktubre 2023.
Ikaapat ang technicians kag associate professionals nga nakabaton sang adlawan nga sahod nga P826 sang Oktubre 2024, nagtaas ini gikan sa P785 year-on-year wage.
Panglima naman ang clerical support workers nga nakabaton sang P740 adlawan nga sahod sang Oktubre 2024 halin sa P706 sang Oktubre 2023.
Samtang, gintumod man ni USec. Mapa ang 5 ka trabaho nga may pinakamanubo nga adlawan nga sahod sa pungsod sang Oktubre sini nga tuig.
Kalakip diri ang skilled agricultural forestry and fishery workers, elementary occupations, service and sales workers, craft and related trades workers kag plant and machine operators and assemblers.
