Hibaluon sang Pilipinas kag Japan ang pagbuliganay sa mga patag sang clean energy, trade, kag investment, suno sa Department of Trade and Industry (DTI).
Suno sa ahensya nga gintalakay nanday Trade Secretary Alfredo Pascual kag Japan’s Minister of Economy, Trade, and Industry Saito Ken ang potential areas of cooperation sa tunga sang duha ka pungsod sa sidelines sang Indo-Pacific Economic Framework for Prosperity (IPEF) Ministerial Meeting sa Singapore sadtong tinalikdan nga semana.
Sa nasambit nga paghinun-anon sang DTI nga ginsug-alaw sang duha ka trade chief ang mga oportunidad para sa green transition.
Sa ministerial meeting ginpalab-ot sang Japanese side ang interes sang Japan Bank for International Cooperation (JBIC) nga magtambong sa pag-ihibalo sa isa ka waste-to-energy project nga makabulig sa mga pagtimakas sang Pilipinas padulong sa clean energy transition.
Ginsiguro man sang duha ka pungsod ang potential collaboration sa critical minerals sector, partikular sa pag-develop sang mabakod kag masaligan nga global supply chains.
Mahibaluan nga ginphayag sang Pilipinas ang interes sini sa pagpakigbahin sa Critical Minerals Agreement, nga magapabaskog pa sa kooperasyon sa nasambit nga patag.
Ginaduso man sang pungsod ang pagpadayon sang General Review of the Philippines-Japan Economic Partnership Agreement (PJEPA), ginhatgan sang pagtamud ang kasugtanan nga may tinutuyo palawigon ang economic ties sa guha sang trade in goods, kalakip ang mga patag sang services trade, digital economy, kag sustainability.
Samtang, nagapabilin nga bukas si Pascual sa open radio access network (O-RAN) initiative sang Japan, nga nagapresintar sa ila mga plano agud pabaskugon ang digital capacities kag magtukod sang isa ka ORAN academy sa pungsod.
