ROXAS CITY – Ikapila ka beses na ginhimo ni Rachel “Kapid” Bengan, driver sang colorum nga traysikol kag residente sang Barangay Tanque, Roxas City, ang pagpamahog kag pagpangsakit sa pila ka mga traffic auxiliary rason nga luyag ini hatagan sang leksyon kag pasakaan sang kaso.
Sa interview sang Bombo Radyo kay Reynaldo Francisco, Traffic Auxiliary, ginsiling sini nga trabaho lamang ang ila ginahimo nga pagpangdakop kag indi intsakto nga sila ang basulon kag balikan sang mga colorum nga nagalapas sa ordinansa sang syudad.
Ginsaysay sini nga nagpangdakop sila sa bahin sang Burgos Street Arnaldo Blvd. sining syudad kun sa diin nakit-an niya ang colorum nga ginamaneho ni Bengan kag gindakop ini sang iya man kaupadan.
Apang wala lang dugay ginkakibot sini nga ginlumpatan siya sa likod ni Bengan kag ginhana buno maayo nalang suno diri nga nakabalikid siya rason nga nakalikaw.
Gilayon naman siya nga nagpangayo bulig amu man ang pagpalagyo ni Bengan kag ginsinggitan pa siya sini nga balikan siya.
Bangud diri, nagpadulong si Francisco kaupod ang iya kaupdanan sa Brgy. Hall sang Tanque kag diri natukiban nga madamo na sang rekord si Bengan sa pareho nga insidente.
Desidido naman nga magpasaka sang kaso ang traffic auxiliary agud matudluan sang leksyon si Bengan kag ginapalab-ot sini sa iban pa nga colorum nga indi magpakita sa ila kun nagabiyahe kag mangin mapinaubson kun madakpan.
