-- ADVERTISEMENT --
ROXAS CITY – Nagpabalhag sa Roxas City Police Station ang 62-anyos nga Traffic Auxiliary matapos nga ginaalegar ginpalagyuhan sang gindakup nga driver sa Plaridel Street, Barangay VIII, Roxas City.
Sandig sa ginpabalhag ni Jaime Obnimaga, isa ka traffic auxilliary sang Barangay Bato, sining siyudad nga gindakup sini ang wala makilala nga driver sang motorsiklo bangud nagsulod ini sa “No Entry” nga karsada.
Apang sang ginkuha ang iya sini nga lisensya, hinali nga naglakat ang nasambit nga persona kag ginbilin ang iya nga motorsiklo.
Sa karon yara sa kustodiya sang Traffic Management Unit ang nasambit nga motorsiklo para sa nakaigo nga disposisyon.
