ROXAS CITY – Preparado na ang Traffic Management Unit sa syudad sang Roxas para sa palaabuton nga adlaw sang Eleksyon.
Sa interview sang Bombo Radyo kay Mr. Gonzalo Andrada Head sang Traffic Management Unit, ginpahayag sini nga may ginpreparar ukon ginasundan na sila nga deployment plan sa kada buluthuan sa dalagan sang trapiko natuhoy sa mga loading kag unloading area.
Ginsiling ni Andrada nga sa ila paglibot sa mga eskwelahan sa syudad, may pila ka buluthuan sila nga pagabantayan ang mga drop off points;
*Plaridel Elementary School
*Capiz Nat’l High School
*Rufina Santos Memorial School
*Presisent Manuel Roxas Memorial School- north/south
*Banica Elementary School
*Inzo Arnaldo Vill. Integrated School
*Don Ynocencio Elem. School
Gina-ekspektar naman sang pamunuan sang TMU nga sa Mayo 12 madamu na ang magapadulong ukon magadugok sa mga voting precincts sa mga buluthuan.
Ginsiling pa sini nga magluwas sa traffic monitoring nakahanda naman ang ila deployment plan sang ila mga personnel.
Samtang ginpasalamatan man si Andrada ang mga pumuluyo sang syudad sang Roxas bangud sa ila nga padayon nga kooperasyon para sa palaabuton nga adlaw sang eleksyon kag sa mga masunod nga aktibidad. Panugyan man ni Andrada sa tanan nga mga motorista nga magapadulong sa mga eskwelahan agud magboto mangin responsable nga drayber agud malikawan ang indi pag intindihanay kag kinagamo.
