Trak, nagdiretso sa katubuhan kag nagbunggo sa puno sang lubi matapos madulaan sang preno

PANIT-AN, CAPIZ – Yara na karon sa hilway nga sitwasyon ang isa ka driver matapos nga nagdiretso sa katubuhan ang ginamaneho sini nga trak sa Barangay Timpas, Panit-an, Capiz.

Ang nasambit nga driver ang ginkilala nga si Larry Tulac sang Agusan del Sur.

Mahibaluan nga gikan sa siyudad sang Roxas kag padulong sa Kalibo ang nasambit nga trak nga may karga nga mga kabilya.

Apang ginapahayag nga nadulaan sang preno ang driver rason nga nagdiretso ang trak sa katubuhan kag nagbunggo sa puno sang lubi.

Maswerte naman nga wala napilasan ang driver sa nasambit nga aksidente.