ROXAS CITY -Nagreklamo sa Roxas City Police Station ang 31-anyos nga Filipino Transgender matapos nga ginaalegar ginkastigo sang iya nga nobyo sa Barangay Dayao, Roxas City.
Ginkilala ang biktima nga si Jerene Baylon residente sang Barangay Culasi, sining siyudad.
Sandig sa alegasyon sang biktima ginaalegar sini nga gin-ayad ini kastigo sang iya nga nobyo nga ginkilala nga si Ryan Jay Artates, 18-anyos residente sang Barangay San Jose sining siyudad.
Gindugang pa sang biktima nga ginsipa ini, ginlampusan kag ginhaboy sang bato sang nasambit nga nobyo.//
Nag-angkon sang mga bagras kag lagub sa magkatuhay nga porsyon sang kalawasan ang biktima nga gilayon nga ginpaidalom sa medical examination.
Samtang ang nobyo sini ang ginhunong sa karsel sang Roxas City Police Station.
