ROXAS CITY – Wala dalayon naparalisa ang biyahe sang mga pampubliko nga salakyan sa syudad sang Roxas kag probinsiya sang Capiz sa pihak sang pag-upod sang iban nga mga operators kag drivers sang PUJ’s kag UV express sa nationwide transport strike.
Ginpahayag ni Provincial Disaster Risk Reduction and Management Office (PDRRMO) officer Judy Grace Pelaez nga ba-se sa monitoring sang talatapan indi tanan nga mga Public Utility Jeepneys ang nag-upod sa untat biyahe, bangud may pila sa gihapon nga mga jeepneys nga nagbiyahe, magluwas sa mga tricycle nga wala nag-upod sa untat biyahe.
Nahibaluan nga antes ang nationwide transport strike nagsapol ang natungdan nga mga ahensiya sang gobyerno kag nagdihon sang tikang agud indi tuman nga maapektuhan ang riding public.
Kalakip diri ang pagprovide sang mga trak kag van sang gobyerno probinsiyal nga magahatag sang libre nga sakay sa mga pasahero nga maalangan.
Sa kabanwahanan naman, ginpa-activate na ang mga MDRRMO agud makabulig sa mga ma-stranded nga pasahero.
