Patay matapos ginluthang sang riding-in-tandem ang isa ka tricycle driver kag ang 25 anyos nga pasahero nga nurse sa Barangay City Heights, General Santos City.
Nag-ugtas ang publiko matapos luthangon sang riding-in-tandem ang isa ka traysikol driver kag ang iya 24 anyos nga pasahero nga nurse sa Barangay City Heights, General Santos City.
Natabo ang krimen samtang nagapundo ang traysikol sa isa ka traffic light sa dalan Aparente sang nagligad nga Lunes.
Gindeklarar nga dead on arrival sa ospital ang driver kag ang nurse nga taga-Sultan Kudarat matapos makaangkon sang mga pamatay nga pilas sa lawas.
Suno sa kapulisan, may personal nga kaakig ang ginalantaw nga motibo tungod ang driver ang may ginapangatubang gali nga kaso nga rape sa ila lugar.
Sa karon, may mga persons of interest na ang mga otoridad samtang nagahingyo sang hustisya ang pamilya sang mga biktima, ilabi na ang sa inosente nga nurse.
