ROXAS CITY – Matapos ang pila ka adlaw nga pagpangita sang tag-iya sang iya pampasahero nga traysikol, nakit-an ini sa karsadahon sang San Dionisio, Iloilo nga wala na sang gasolina.
Nahibaluan nga ginkilala ang tag-iya sang Kawasaki Barako 175 nga may sidecar nagaduag berde kay Ariel Bogabriel, nga residente sang Sitio Libas, Brgy. San Esteban, Pilar, Capiz.
Matandaan nga alas 7 sang gab-i, Agosto 20, sang ginpark ang amu nga traysikol sa guwa sang ila balay sa kilid sang dalan, apang sang kaagahon na, nadiparahan nga wala na sa lugar ang amu nga behikulo.
May nakakita man nga mga residente nga duha ka mga lalaki nga makaduluda ang panghulagon sa ila barangay, apang wala sang mga ini napalab-ot sa otoridad.
Sandig sa inisyal nga imbestigayson sang mga kapulisan, ginpahayag nga ginbilin sang mga wala matumod nga kawatan ang traysikol nga puno sang higko sang sapat, matapos nga nahubsan ini sang gasolina.
Sa karon, ginturn-over na sang mga kapulisan ang traysikol sa tag-iya.
