Natalana nga magasugod ang trial ni former President Rodrigo Duterte sa International Criminal Court sa Nobyembre 30, 2026 may kaangtanan sa crimes against humanity nga iya ginapangatubang.
Suno kay Presiding Judge Joanna Korner, nakahanda na ang korte nga aprubahan ang proposal sang prosecution nga sugdan ang trial sa Nobyembre 30.
Apang suno kay Korner, kinahanglan pa nga hulaton ang resulta sang bag-o nga health examination ni Duterte agud mahibaluan kun nagakabagay ini nga mag-stand sa trial.
Dugang pa sini nga luyag sang korte nga makaangkon sang hearing lima ka adlaw sa isa ka semana, apang ikonsiderar sa gihapon ang mga rekomendasyon nga ginplastar sa tion sang confirmation hearing.
Una na nga nagmando ang ICC sang re-medical assessment kay Duterte matapos nga naghingyo sang bag-o nga examination ang iya kampo.
Samtang sa Setyembre 2026 ang suhestyon sang legal representatives sang mga biktima ang Setyembre 2026, kag ang rekomendasyon sang ICC Registry ang natalana sa Enero 2027.
