ROXAS CITY – Arestado ang isa ka tricycle driver matapos nga ginserbihan sang search warrant sa Sitio Pinaypayan Barangay Lanot Roxas City.
Ginkilala ang arestado kay Ronnie Cervales 59-anyos kag residente sang nasambit nga Lugar.
Natigayon nga madakpan si Cervales, pinaagi sa gintingub nga pwersa sang Special Weapons And Tactics ukon SWAT teams , Intel kag Roxas City Component Police Station.
Ang search warrant ang gin-isyu kag ginpermahan ni Honorable Judge Esperanza Isabel E. Poco Deslate Executive Judge RTC branch 19 Hall of Justice kag napetsahan Hunyo 8 , 2023.
Nakuha sa posesyon ni Cervales ang 1 ka unit sang caliber revolver “smith” Wesson, 19 ka live ammunition, 38 caliber firearm, 1 ka black holster sang nasambit nga armas luthang, 1 ka unit sang caliber revolver nga may wooden handle, 6 ka live ammunition firearm, 6 nga empty cartridges sang 38 caliber of firearm, 1 kag black holster kag 2 ka unknown holster nga firearm.
Magapangatubang sang kaso nga paglapas sang RA 10591 ukon Comprehensive Law on Firearms and Ammunition.
Sa karun yara na sa kustodiya sang Roxas City Component Police Station, ang nasambit nga arestado.
