ROXAS CITY, CAPIZ- Patay ang isa ka tricyle driver, matapos nga bunggo bsa isa ka pader nga sakop sang Calipayan Street, Barangay Punta Tabuc, Roxas City.
Ang biktima amo si alyas Jonald, 28-anyos kag residente sang Arcabalo, Barangay Bolo, Roxas City.
Sa interview sang Bombo Radyo kay Police Chief Master Sergeant Ramil Arcangeles, tigpamaba sang Roxas City Police Station, iya ginpahayag nga nadulaan suno diri sang kontrol sa pagmaneho ang biktima samtang padulong kuntani sa main road malapit sa isa ka convenience store.
Bangud sa makusog nga impact, nag-angkon sang patal nga pilas sa ulo ang biktima.
Madasig naman nga gin-respondehan sang mga katapo sang Roxas City Emergency Response Team ang biktima kag ginpadangat sa ospital, apang samtang nga ginabulong, ginbawian ini sang hulam nga kabuhi.
Sa karon, yara na sa isa ka punerarya ang bangkay sini samtang nagapadayon ang imbestigasyon sang mga kapulisan angut sa nasambit nga insidente.
Interviewed by Bombo Jessa Mae De Los Santos
