Tricycle driver, dakop sa ginkasa nga drug buy bust operation sa banwa sang Jamindan

ROXAS CITY – Dakop ang tricycle driver matapos ang ginpatigayon nga drug buy bust operation sa Barangay Pangabuan, Jamindan Capiz.

Ginkilala ang nadakpan kay Arnel Danura 47-anyos kag residete sang amu nga lugar.

Natigayon nga madakpan si Danura sa gintingub nga pwersa sang Capiz PPDEU, Cluster SDET, Jaminda, Tapaz kag Dumalag PNP.

Natigayon nga nakuha sang mga kapulisan ang kapin 3 ka gramo sang ginaalegar nga shabu nga may standard value nga P20,400, buybust money nga P1,500 kag motorsiklo nga may sidecar.

Sa karun yara na sa kustudiya Jamindan MPS si Danura para sa nagakaigo nga disposisyon.