ROXAS CITY – Isa ka tricycle driver nga may mabinulawanon nga tagipusoon ang nagbalik sa nakita nga sling bag sang iya nga pasahero
Nakilala ang nasambit nga tricycle driver nga si Melvin Lumbo 35-anyos sang Barangay Baybay, Roxas City.
Gindala sa Roxas City PNP ni Lumbo ang sling bag nga nagaunod sang duha ka dalawang smart phone, isa ka pocket wifi kag cash nga nagalab-ot sa P180,000 nga nabilin sa iya tricycle sang isa ka pasahero.
Matapos makita ang nasambit nga bag ginbuksan ini ni Lumbo para makita kun may ID’s ukon iban nga dokumento nga makatudlo sa nagapanag-iya sini.
Sang makita sang tricycle driver ang daku nga kantidad nga unod sang bag, nagdesisyon ini nga i-turn over ang bag sa police station.
Pagsulod pa lamang sini sa istasyon sang pulisya nakita na sini ang tag-iya sang sling bag nga nagablotter.
Hinali nga nagsanag ang nawong sang babaye sang makita si Lumbo nga dala na ang iya nga bag.
Ginpasalamatan naman sang babaye si Lumbo, bangud sa pagbalik sang kuwarta nga iya nabilin sa tricycle sini.
Samtang suno kay Lumbo nga wala ini nagpangduha duha nga ibalik ang bag sa tag-iya, bangud ginakabuhi sini ang panindugan nga indi pagkuhaon ukon interesan ang indi imo, bangud wala ini sang maayo nga mahatag nga kaayuhan ang paghandum sang indi imo nga butang.
