-- ADVERTISEMENT --
ROXAS CITY – Ginreklamo sang 52-anyos nga babayi ang isa ka tricycle driver matapos ginapahayag ginsinggitan kag ginmulay ini sa Roxas Avenue, Roxas City.
Ginkilala ang driver kay Joel Anbantao, residente sang Barangay Barra, sini nga syudad. Samtang ang tagreklamo ang ginkilala kay Melanie Arbis, residente sang Brgy. Dayao.
Sandig sa ginpabalhag ni Arbis sa Roxas City PNP, nagsakay ini sa traysikol nga may City No. 0033 nagikan sa Westlake Subdivison padulong sa isa ka mall sa bahin sang Roxas Avenue.
Apang, ginapahayag ginsinggitan ini sang driver kag ginmulay matapos nga ginabaton sini ang P15 nga bayad.
Maluwas sa pagpangmulay, gintulok man siya sini sang masakit.
Bangud sini, ginpakamaayo na lang ni Arbis nga magparekord sa kapulisan.
