Indi pabor ang isa ka tricycle driver sa pagpaiway sang Barangay kag Sangguniang Kabataan Elections (BSKE ) subong nga tuig.
Ini bangud daw kaangay ginapunggan sini ang kinamatarong sang mga pumuluyo nga makaboto.
Sa interview sang Bombo Radyo kay Ian de Pedro, iya ginpahayag nga importante gid nga madayon ang eleksyon agud mapadayon ang demokrasya sa barangay.
Suno kay de Pedro, nagapabilin nga tunga ang opinyon sang publiko apisar may yara sang mga barangay kag SK officials nga ginatuman ang ila ginsumpaan nga katungdanan bangud may yara man gihapon sang pila nga wala naga-perform sang husto sa ila responsibilidad.
Dugang pa sini, kinahanglan nga tutukan sang masunod nga mga lider ang pagpasangkad sang mga programa para sa kabataan kag mga pumuluyo agud mapahilayo sila sa mga iligal nga buluhaton.
Nagalaum naman ang natungdan nga madayon ang BSKE agud mangin bag-o nga umpisa sang pagpamuno sa barangay kag sa Sangguniang Kabataan.
