ROXAS CITY, CAPIZ- Nagpa-bombo ang isa ka tricycle driver, matapos nga ginaalegar gindakop sang katapo sang Traffic Management Unit Roxas City nga indi sang insakto kahapon nga adlaw sa bahin sang Burgos Street, Roxas City.
Sa interview sang Bombo Radyo kay Marc Balosa, ang nasambit nga tagreklamo, iya ginpahayag nga gindakop sya sang katapo sang TMU nga ginkilala kay “Aguirre” bangud sa ginpahayag pagbayolar sini sa traffic rule nga 040.
Apang suno sa iya, wala sya nagbayolar sa amo nga traffic rule bangud nga gin-park sini sang insakto ang iya dala nga tricycle samtang ginahulat ang iya nga puya nga nagbakal sa isa ka store.
Dugang pa ni Balosa, ginahulam ni Aguirre ang iya nga Driver’s License apang wala nya ini ginhatag bangud nga nasayuran nya na nga sya ang paga-ticketan.
Rason sang sini nga hitabo, nagtalikod si Balosa kag ginbayaan ang iya nga tricycle sa diin ginguyod naman ini ni Aguirre padulong sa ila nga talatapan.
Nahibaluan nga nagpadulong si Balosa sa talatapan sang Traffic Management Unit Roxas City agud magpalab-ot sang reklamo apang suno sa iya ginsabat lang sya sang pamunuan nga pasakaan sang kiha si Aguirre.
Pahayag pa ni Balosa, luyag niya nga makuha ang iya nga tricycle sa talatapan sang Traffic Management Unit Roxas City nga wala sang balor nga pagabayaran.
Sa karon, nagapabilin sa gihapon ang tricycle sa amo nga talatapan.
Samtang, bukas naman ang istasyon sang Bombo Radyo Roxas, para sa pagpaathag sang mga indibidwal nga ginpa-bombo.
In an interview with Bombo Roadnie Daban Daban Dalanon
