ROXAS CITY – Nakabatyag sang pagpalanakit sa nawong kag mata ang isa ka tricycle driver matapos nga ginaalegar ginsumbag sang mag-amay sa Alba Village, Barangay Dinginan, Roxas City.
Ginkilala ang biktima nga si Raul Punay, 46 anyos sang nasambit nga lugar.
Base sa ginparekord sang tagreklamo nga may yara sang wala pag-intiendihanay sa tunga sang bata sang tagreklamo kag sa mga suspek nga sanday Ramunito Sorio kag anak sini nga si alyas Nonoy Ballos sang nasambit man nga lugar bangud lamang sa cellphone.
Bangud diri, nagpadulong ang tagreklamo sa balay sang mga suspek agud kuntani mangayo sang pasaylo apang hinali na lamang ini nga ginsumbag sa nawong ni Ramunito Sorio.
Magluwas diri, nasumalang man ni Punay kag alyas Nonoy Ballos kag hinali ini nga ginsumbag rason nag-angkon ini sang pagpalanakit sa kalawasan.
Bangud diri, gilayon naman nga nagpadulong sa ospital ang tagreklamo agud magpaidalum sa medikasyon.
