ROXAS CITY – Ginkadismaya sang 63-anyos nga tricycle driver matapos nga ginapahayag wala magdugay ang gasolina nga iya ginpatughong sa isa ka gasoline station sa Barangay Punta Tabuc, nga nagabalor sa P100.
Ginkilala ang tagreklamo kay Teodore Narciso, kag residente sang Brgy. Punta Tabuc, Roxas City.
Sandig sa iya ginpabalhag sa mga katapo sang Roxas Component City Police Station, nga mga alas-5 kahapon, Hunyo 2, sang nagpatughong ini sa amu nga gasoline station sa ila man barangay, kag gilayon nga nagpauli sa ila balay, apang nagdesisyon ini nga magpadulong sa Burgos agud magbakal sang ila sud-an.
Apang, yara palang ini sa may bahin sang Rizal St., suno diri nga nawad-an na ini sang gasolina.
Nagbalik ini sa gasolinahan kag nagpatughong liwat, kag ginreklamo ang natabo sa iya apang ginaalegar sang senior citizen nga ginpahog ini sang pump boy nga mahuy-an lang kun magreklamo.
Nagdesisyon ang tricycle driver nga ipalab-ot sa mga kapulisan ang natabo.
