Nagreklamo sa Roxas City Police Station ang isa ka tricycle driver matapos nga gintambangan kag gintapungol sang iya tiyo sa Barangay Dayao, Roxas City.
Ginkilala ang tagreklamo nga si Anderson Vasquez 28 anyos, residente sang nasambit nga lugar.
Sandig sa reklamo sang biktima nga samtang nagamaneho ini sang iya nga tricycle, gintambangan ini sang iya nga tiyo nga si Gilbert Donguines kaupod ang mga barangay officials sang nasambit nga barangay.
Ginaalegar pa ni Vasquez nga gintapungol ini sang iya tiyo kag gintuyo lampusan sang kawayan matapos nga ginpanginwala nga naka close-contact sini ang isa ka nagpositibo sa COVID-19.
Ginpahayag ni Vasquez, nga ginpasibangdan ini sang tiyo nga ginsugat sini kag ginsakay sa tricycle ang nagpositibo sa COVID-19 apang hugot ini nga ginpanginwala sang biktima.
