ROXAS CITY – Nagpabalhag sang reklamo sa mga kapulisan ang isa ka babayi nga ginaalegar ginpakahuy-an sang isa ka tricycle driver bangud sa kulang nga pagbayad sa plete.
Suno sa 31 anyos nga wala na ginhingadlan nga tagreklamo nga naggikan ini sa ila lugar diri man sa siyudad sang Roxas kag nagsakay sa tricycle nga ginamaneho ni Libardo Jimenez, 44 anyos padulong sa isa ka pribado nga eskwelahan diri sa syudad sang Roxas.
Apang sang nagpanaug ang tagreklamo sa amo nga tricycle kag nagdaho sang P50 nga kwarta sa tricycle driver hinali na lamang ini ginsinggitan nga kulang ang plite sini sa diin P70 pesos ang ginasukot sang nasambit nga driver.
Bangud diri, nahuy-an ang tagreklamo sa kadam-an rason nga ginpakamaayo na lamang sini nga iparekord sa pulisya ang insidente.
