ROXAS CITY – Arestado ang isa ka tricycle driver matapos nga ginaalegar nagtuga sang iskandalo sa boarder control sa Barangay Balijuagan, Roxas City.
Ginkilala ang nasambit nga persona nga si Larry Francisco 36-anyos sang Barangay Yabton, Ivisan, Capiz.
Nahibaluan nga samtang nagapatigayon sang checkpoint ang mga kapulisan sa boarder control sang nasambit nga lugar hinali na lamang nga nag-agi ang nasambit nga suspek kag yara sa idalom sang impluwensya sang makahulubog nga ilimnon.
Ginpamangkot ini sang mga pulis kun sa diin makadto apang sa baylo nga magsabat sang ensakto, ginapahayag nga nagbato kag nagtuga pa ini sang iskandalo.
Bangud diri, ginpakamaayo na lamang sang mga pulis nga ipakustodiya sa Roxas City Police Station ang suspek para sa nagakaigo nga disposisyon.
