ROXAS CITY – Natukiban sang Traffic Management Unit-Capiz nga may yara na sang nauna nga reklamo nga pagpangbastos man ang tricycle driver nga ginreklamo subong sang isa naman ka pasahero bangud sa amo sa gihapon nga akto.
Sa interview sang Bombo Radyo kay Gonzalo Andrada, Head sang Traffic Management Unit-Capiz, iya ginpahayag nga boluntaryo nga nagkadto sa ila nga talatapan ang driver kag nakig-istorya sa pamilya sang biktima sa diin na-settle man ang reklamo.
Suno kay Andrada, gin-ako mismo sang driver ang iya pagpangbastos.
Pahayag pa niya, may yara sang penalidad nga paga-atubangon ang driver bangud wala ini papeles nga makabyahe sa syudad kag makabig nga isa ka colorum.
Dugang pa sang natungdan, magapadayon ang ila nga pagmonitor sa mga dalanon agud indi na maliwat ang kaangay nga insidente.
Interviewed by: Bombo Jessa Mae Delos Santos via Bombohanay Bigtime
