Tricycle driver nga nadakpan sa drug buybust operation, natalana nga pasakaan sang panumbungon nga RA 9165

ROXAS CITY – Natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang isa ka tricycle driver nga nadakpan sa ginkasa nga drug buybust operation sa Barangay Poblacion Ilawod, Dumarao, Capiz.

Ginkilala ang drug suspect nga si Jomer Cruzada, 40 anyos sang amo man nga lugar.

Narekober sa posesyon sang drug suspek ang 7 ka sachets sang shabu kag P500 nga buybust money.

Sa karon, nakahunong na sa karsel sang Dumarao Municipal Police Station ang nasambit nga drug suspek.