-- ADVERTISEMENT --
ROXAS CITY – Padayon nga gina-imbestigahan sang kapulisan sa syudad sang Roxas ang suspek nga nagbakul sang tubo sa 34-anyos nga tricycle driver sa Barangay Lawaan, sining syudad.
Nag-angkon sang pilas sa magkatuhay nga bahin sang lawas si Gilbert Dellava matapos bakulon sang tubo sang lalaki nga nagpalapit sa iya.
Nahibaluan nga nagdul-ong sang pasahero ang biktima sa Pueblo de Panay sa Barangay Lawaan, apang naghinyo ang pasahero nga may hapitan nga isa ka balaligyaan.
Kasunod sang pagpondo sang tricycle ang pagpanaug sang pasahero kag ang pagpalapit sang isa ka lalaki nga gilayon naghan-us sang tubo sa biktima.
Gilayon naman nga nagresponde ang Capiz Emergency Response Team (CERT) kag gindapatan sang pagbulong ang mga kapilasan ni Dellava.
-- ADVERTISEMENT --
