Tricycle nga nagakarga sang mga kahoy nga wala sang nagakaigo nga dokumento ginkumpiskar sang mga pulis

PILAR, CAPIZ – Natalana nga i-turn over sa Municipal Environment and Natural Resources Office (MENRO) ang nakumpiskar nga mga kahoy nga karga sang isa ka tricycle sa Barangay Dulangan, Pilar, Capiz.

Naharang sang mga katapu sang Capiz Mobile Force Company ang isa ka tricycle nga nagakarga sang kahoy gikan sa banwa sang President Roxas, Capiz kag pagadalhon kuntani sa banwa sang Pilar.

Ginpangitaan sang dokumento ang driver sang tricycle apang napaslawan ini nga makapakita sang papeles rason nga ginkumpiskar ang mga kahoy.

Nahibaluan nga ginapanag-iyahan ang kahoy ni Micheal Bermejo 36-anyos sang Barangay Monteflor, Pilar.

Magapangatubang ini sang panumbungon nga paglapas sa PD 705 ukon Forestry Reform Code of the Philippines.