ROXAS CITY – Nag-angkon sang gasgas ang pila ka mga porsyon sang Mitsubishi Pajero Wagon nga salakyan matapos nga ginbungguan sang tricycle sa Barangay Cagay, Roxas City.
Ginkilala ang driver sang Wagon nga salakyan kay Freddie Lou Dinglasan 38-anyos sang siyudad kag pasahero sini nga si Mary Ann Dinglasan 39-anyos nga residente naman sang Magallanes Street, Roxas City.
Base sa inisyal nga imbestigasyon nga samtang ginasubay sang amo nga salakyan ang dalanon padulong kuntani sa Barangay Balijuagan sining siyudad sang aksidente na lamang ini nga nabungguan sang tricycle nga ginamaneho ni Elizalde Aninaion 36-anyos kag pasahero sini nga Nenita Centino 44-anyos nga lunsay mga residente sang Barangay Balijuagan sining siyudad.
Bangud diri, nag-angkon sang pila ka mga gasgas ang amo nga salakyan.
Mahibaluan nga yara sa idalom sang impluwensya sang makahulubog nga ilimnon ang driver sang amo nga tricycle sang natabo ang aksidente.
Maswerte naman nga wala sang may napilasan sa nagluntad ang insidente.
Temporaryo naman nga ginkustodiya sa Roxas City Police Station ang tricycle ni Centino para sa nagakaigo nga disposisyon.///END
