-- ADVERTISEMENT --
ROXAS CITY – Nagparekord sa Roxas City Police Station ang isa ka tricycle driver matapos nga nasanggit ini sang isa ka van sa Roxas Avenue, Barangay 9, Roxas City.
Sandig sa ginparekord ni Johnny Billones, 64 anyos sang Barangay Baybay, sining siyudad, samtang ginamaneho sini ang iya nga tricycle sa nasambit nga lugar, aksidente ini nga nasanggit sang puti nga van nga ginamaneho sang wala matumod nga persona.
Ginapahayag nga naigo ang tiil kag likod sang tricycle driver rason nga ginpakamaayo sini nga ipabalhag sa pulisya ang nasambit nga insidente.
